الأخطاء التي وقعت بها بالثانوية العامة

مجموعة من الاجابات عن هذا السؤال من واقع تجارب مختلفة تفيد الطالب بعدم الوقوع في تلك الاخطاء في الثانوية العامة وتم جمع تلك البيانات من عدة استطلاعات للرأي

اول حاجة انى كنت براكم عليا شويه دروس وللاسف دي حاجة وحشة لانك هتراكم حاجة وكل شويه هتزيد اكتر واكتر ولو كنت هتعملها فى الاول فى ساعة بعد كده وكل التراكمات دي هتعملها فى ٤ ساعات فأول نصيحة انك متراكمش دروس عليك ومن الافضل انك تذاكر فى نفس اليوم اللى اخدت فيه الدروس

تانى حاجة كنت بحس إن اليوم قصير جدا ومش ملاحقة اعمل حاجة وده قدرت اتغلب عليه عن طريق أنى حاولت انى اصحى بدري الفجر مثلا او الساعة ٥ اخلص فى اللى ورايا فكده حسيت إن اليوم بقى طويل جداا

ومن التفاصيل اللى فرقت معايا هى الحل الكتير جدا حتى لو غلطت عادي جدا اغلط علشان تتعلم وكمان المخططات اللى كنت بعملها بايدي وكنت بستخدم اقلام الالوان والهايلايت 😂 كنت بحسها بتدي روح للمخططات والملخصات اللى كنت بعملها

دي الحاجات اللى فاكرها الصراحة فأتمنى أنها تكون مفيدة ♥️

يمكننى ان اجيب من واقع تجربتى مع ابنتى فقد انتهيت من زمن طويل من الثانوية العامة

كانت ابنتى تكتب الاجابة صحيحة ثم تعود فتغيرها وتكتب الخاطئة

ونتعلم من ذلك درسا مهما هو الثقة بالنفس

لا تبحث عن الأخطاء، حاول ان تنظم وقتك من بداية العام و حاول ايضا ان تعتني بصحتك، ثم ذاكر في اوقات محددة بتركيز عالي بدون مشتتات و اجعل مذاكرتك في تلك الاوقات عادة و لا تنشغل عن اسرتك كثيرا، تفقد والدك و والدتك و لا تنسى ان العلامة النهائية توفيق من الله بعد اجتهادك.

عموما افضل طريقة للمذاكرة والحصول علي اعلي الدرجات هى المذاكرة اول باول والتطبيق عليها بحل الأسئلة وكلما واظبتِ علي هذه الطريقة وزاد اجتهادك فيها كلما ارتفعت النسبة وتصل الي النهائية

نحمد الله علي ما مضي

ونرجو الخير فيما يأتي…

دفعة ٢٠٢٠ علمي علوم…واقع التجربة باختصار هو اني شخص يدفع بكل جهده مقابل تحقيق حلمه

انا كان حلمي من الصغر اكون طبيب جراح (جراحة القلب خصوصا) وعلي الرغم من اني كنت جيد بنسبه كبيرة في الرياضة الا اني اخترت علمي علوم املا في نيل شرف مسك المشرط..

بدءت ٢٨/٧ والحمد لله انتظمت علي مدار السنه في الدروس والمذاكرة ما عدا فترة اسبوعين او ٣ في شهر مارس….. حتي انتهاء الدراسة في مطلع شهر سبعة العام التالي

كانت فكرة الحلم دافع للاستمرارية …لم اكن انام عالكتاب ولكن اعتقد 14ساعة تخص الدراسة كافية منهم 6 عالاقل حل مسائل وكتب

الحمد لله فترة الامتحان اصيب عصب ضرسي واضطررت ان احشيه وسط الامتحانات ..ولكن لم يكن بالابتلاء القاسي رغم اني كنت احضر الامتحان بالبنج

لم اطمح للحصول علي اي درجات بالغش مهما كان الظروف علي عكس اللجنه التي كانت عائمه بالغش خصوصا الشخص امامي …كان تشتت اللجنه اصعب من الامتحان…ولكن بفضل الله حصلت علي مجموعي بعرق الجبين علي الرغم انه لم يكن كافي لتحقيق حلمي..(٩٧.٢٪) …لم يكن المجموع مرضي ودخلت في دوامه من اليأس حيث انه بعد التظلم وجدت 4درجات حصلت منهم علي واحدة…ولكن حتي 4درجات إذا حصلت عليهم لن تكفي للالتحاق بكلية الطب البشري…

الحمد لله حاليا التحقت بكلية العلوم شعبة بيولوجي وتخصصت في مجال الكمياء الحيوية بتقدير كويس جدا وحسيت بفضل ربنا وكرمه واني محطوط في مكاني الصحيح من الاول…لاني من محبين علم الكمياء ..حاليا فكرة الدراسة في مجال تحبه وله اكثر من مكان للعمل فكرة مرضية علي الرغم من انه قبل التخصص او في بداية عامي الاول لم ارضي مطلقا عن الكلية لانه لم يكن شأنها شأن كلية قمه في نظر الناس

اتمني صديقي ربنا يحققلك حلمك ويكون فيه الخير

واتمني التجربة تفيدك..

طالما سعيت في سبيل حلمك بكل صدق حتي لو محققتهوش اعرف انك هتنول مكان فيه خير لان ربك مش بيضيع تعب حد❤️

نسالكم دعوه بالخير❤️