اجاب محمد مصطفى طالب بكلية الهندسة عن هذا السؤال بالتالي:
في الحقيقة انا بعتبر الثانوية العامة من أفضل السنين اللي مرت عليا في التحصيل العلمي والثبات النفسي والعقلي وبتوفيق ربنا حصلت على مجموع 410/408
يكمن الموضوع اولا في ثقتك في ربنا، لازم يكون عندك ثقة كبيرة جدا فربنا انه عمره ما هيخذلك ولا هيخيب ظنك فيه ولا هيخلي عملك وتعبك يروح هباء … وأن ليس للإنسان الا ما سعى
ثانيا لازم تمتلك من الثبات النفسي والعقلي والثقة فنفسك ما يؤهلك لاستيعاب أنك امام ورقة امتحان لمدة ساعتين وعليك التركيز الشديد للاجابة على الاسألة بطريقة نموذجية
ثالثا لازم تعتمد على التركيز الشديد وعدم التوتر او التشتيت اللي قد يأتيلك من زميلك او من مراقب
رابعا لو فيه سؤال مش عارفه مش مشكلة حل كله وارجعله فالاخر
متتوترش متتوترش متتوترش ،ثق في نفسك ثق في قدراتك
اللعبة لعبة اعصاب كل ما اتحكمت فثباتك النفسي والعقلي اكتر كل ما قدرت تحل كويس حاول تدرب نفسك حتي فالفترة دية على اي موقف نفسي واكسب منه ثقة فنفسك
بالنسبة لموضوع الوقت خلي الثانوية تجيبك وتوديك مش هتقدر تلتزم بجدول او بأي حاجة لازم تبقي مرن كفاية وتقدر تتعامل مع المشاكل اللي هتقابلك وتحاول تجيبلها حلول غير تقليدية
مثلا
كنت باخد درس عربي فانا عارف ان المفروض الجدول الشهري بناخد نص ودرس قراءة وفصل قصة بس مذاكرة النصوص بالنسبة ليا متعبة وفأخر الشهر بيبقي فيه امتحان على الحاجات دية فكنت بذاكر لوحدي النص من بداية الشهر بحيث إني مزنقش نفسي فأخر الشهر
ربنا معاكم وان شاء الله يوفقكم جميعا
