طريقة مذاكرة 6 ساعات متواصلة دون ملل في 4 خطوات:
1- نظم مكتبك وحضر المادة اللي هاتذاكرها.
2- حضر مشروبك المفضل وطلع وسائل التشتيت برا غرفتك.
3 – حط الهدف قدام عينك واعرف ان المذاكرة وسيلة والامتحان اداة لمقياس اجتهادك.
4- ذاكر كويس في هدوء وانت حاطط الحاجات دي قدام عينيك.
وبالنسبة للمذاكرة هوضحها في 6 نقاط أساسية كيف تذاكر بطريقة فعالة و تركيز أكتر:
1- الراحة والمكافئة:
اعرف كويس وتأكد ان العقل البشرى ما بيقدرش يستحمل إنه يفضل مركز أكتر من خمسين دقيقة فى حاجة معينة عشان كدة الأفضل إنك تذاكر من 30 لـ 40 دقيقة وتاخد بعدها من 5 لـ 7 دقايق راحة تعمل فيها أى حاجة أنت بتحبها عشان تساعد عقلك على الاستيعاب بصورة افضل وكمان تبعد فكرة الملل ال بتجيلنا واحنا بنذاكر بس اوعى تستخدم الموبايل او التلفزيون في فترة الراحة دي.
2- مكان المذاكرة:
لازم تعمل لنفسك مكان مخصص للمذاكرة بشرط إنه يكون بعيد تماماً عن المشتتات ويكون هادي.
3- التعلم الفعال:
فى إستراتيجية للمذاكرة ما ينفعش تكون بتذاكر من غيرها بيسموها SQ3R وهي (survey-question-read-recit-review)، بإختصار يعنى إنك تفحص عنواين الدرس قبل ما تبدأ تذاكر وتحط لنفسك أسئلة تحت كل عنوان منهم لإن دا هيحفز عقلك إنه يلاقى أجوبة للأسئلة دى أثناء المذاكرة وبعد كدة تبدأ فى إنك تقرأ الدرس بشكل تفصيلى بصوت مسموع عشان تبقا دخلت المعلومة لعقلك عن طريق السمع وأخر حاجة هى إنك تراجع على ال ذاكرته وتحل الأسئلة.
4- احسن طريقة لتعلم الشيء تعليمه:
فكرة إنك تحاول تعلم غيرك ال اتعلمته دا بيأكد على المعلومة فى دماغك وبيعرفك إذا كنت فعلاً فهمت المعلومة كويس ولا لأ. وعشان كمان عملية الحفظ هتكون أسهل بكتير، فلو فهمت الدرس عشان كدة لازم تتأكد الأول إنك فهمت واستوعبت الدرس كويس جداً.
5- استراتيجية Mnemonic :
ودى عبارة عن استراتجيات بتخليك تحفظ بصورة أحسن وأسرع منها…
1) إنك تربط المعلومات الجديدة بمعلومة قديمة أصلا أنت عارفها
2) إنك تختصر الدرس على هيئة خريطة ذهنية بإنك تحط عنوان الدرس الرئيسي فى نص الورقة وتبتدى تعمل منها عنوايين فرعية لحد ما تختصر الدرس كله فى ورقة واحدة بالكتير
3) لو الدرس مكون من عناصر كتير تقدر تأخد أول حرف من كل كلمة وتكون بيها جملة تفكرك بالعناصر كلها .. زى مثلا لو قولنا لك التجربة دى” ضع سلك ملفوف بجوار بوصلة .. وصل السلك بتيار كهربى .. استخدم قاعدة فلمنج لليد اليسرى “
أكيد أنت هتاخد أول حرف من كل سطر فى الجملة وهتكون كلمة “ضوء” وكل ال هتعمله إنك تفتكر الكلمة دى بس وغير كدة فى mnemonce كتير شديد يستحسن لو تفتش عليهم وتنقى أكتر حاجة مناسبة ليك اليوتيوب كنز أقرأ و فتش و أبحث.
6- النوم الكويس:
لازم تهتم بإن يكون ليك عدد ساعات نوم كافى كل يوم عشان المخ بيعمل معالجة للمعلومات أصلاً أثناء النوم.
